楊偲泳咀嘴談善言冇尷尬 沒阻張振朗入場睇最緊要開心

由泰迪羅賓擔任監製，楊潮凱和吳詠瑞執導，談善言和楊偲泳主演的電影《喜歡妳是妳》，昨晚於第18屆「香港亞洲電影節HKAFF」舉行首映禮。雖然泰迪羅賓有現身出席，未知是否因好友石天的離世關係，為保持低調不接受訪問。

談善言表示戲中角色單純又簡單，並跟楊偲泳由18歲演到30幾歲。楊偲泳笑謂今次角色較為百厭，無論戲裹戲外也對談善言不能自拔，雖然跟談善言有親嘴戲，但不會感到尷尬，皆因安排在後段才拍，所以兩人已很熟絡。她說：「反而女仔同女仔拍親熱戲會自在啲又大膽啲，拍攝前有互相攬過都有信任，拍攝時都好輕鬆。」問是否令男友張振朗很放心？楊偲泳避談說：「談善言畀我好有安全感，爸爸都好放心。（男友入場睇你演出親嘴戲？）無話畀唔畀，最緊要觀眾睇得開心。」

此外，談善言最近模仿韓劇《魷魚遊戲》角色神似，被網民捧為「港版姜曉」。談善言笑言原本跟經理人玩，未想過愈玩愈認真，雀斑以眉筆畫上去，造型加影相用了個多小時。她說：「我冇諗過咁大迴響，之前啲人話我似，可能感覺都好cool、倔強。（可以跟譚俊彥拍香港版？ ）如果有得拍梗係想拍啦。」