Juicy叮｜「舞王」的哥疑開車睇片 一臉陶醉打拍子乘客驚到震

所謂「馬路如虎口」，駕駛時須打醒十二分精神，否則容易釀成意外。一名乘客於社交網發文，指在乘搭的士途中，發現司機疑一邊開車，一邊以手機觀看影片，神情十分陶醉。乘客見狀大感憂心遂向司機提醒，惟對方並無理會，繼續擺動身體打拍子，影片引起網民熱論。

該名乘客於Facebook群組「馬路的事討論區」分享一段影片，指一名的士司機疑在開車途中用手機觀看影片，「一路開車，一路戴住藍牙，睇手機電影」，更懶理乘客的提醒，「一路咁話佢專心揸車但冇理我」，陷入自我陶醉狀態。

從影片中可見，戴著藍牙耳機的司機於停車等候時，低頭專注望向放在一旁的手機，同時有節奏地不斷點頭打拍子。當交通燈轉至綠燈時，前方車輛已開始行駛，惟司機仍沉迷於手機播放的影片中，直至前方車輛駛離至遠處位置，司機才施施然開車，期間繼續擺動身體打拍子。

網民紛紛斥責涉事的士司機的行為十分危險，容易釀成意外，「出事只係遲早問題」、「我都試過，唔好諗咁多，自己條命最值錢，即刻落車。」、「遇到咁嘅司機，盡快落車啦。」，亦有網民直言司機行為或已屬危險駕駛，籲事主應向執法部門舉報，「已經有足夠證據可以報警處理交通部」、「你見佢跑緊馬咁，畀我係你即刻叫佢車去就近警署，直接畀條片佢哋睇」！

資料來源：馬路的事討論區