獨家丨李靖筠坦認娛樂圈好多誘惑　前度曾出軌分手好痛

李靖筠（Gladys）推出2021音樂企劃最終章《2＋1＝1》，延續《像極了愛情》以及《差一些什麼?》MV中與Locker及朱康的三角關係再作出抉擇。Gladys在三部曲中一直扮演出軌者的角色，最後選擇了自己一個人，她坦言：「現實中都係揀自己，我覺得如果你喺一段兩個人嘅關係中，捲入一段三角關係， 通常兩邊都無好結果」現實中Gladys亦曾經歷另一半出軌的愛情，當事人表示難以忘懷。撰文:李潔瑜 攝影:沈健程

28歲的Gladys有多段拍拖經歷，對愛情已看得雲淡風輕。曾經歷過另一半出軌的她說：「我嗰時好想傾掂佢，真心覺得如果傾得掂或者佢畀一啲承諾我，真係可以放低，可惜最後都分手收場，真係好痛。」

出軌是選擇


問到如何看待出軌的一方，Gladys就認為出軌是選擇，因為世上誘惑太多，「尤其係呢一行，容易見到好多人，會遇到好多啱傾嘅人，但呢個係一個選擇，我而家拍緊拖，所以唔會輕易同其他人發展，因為嗰次經驗（對方出軌）令我非常唔開心。」Gladys坦言今年推出的三部曲都不是她的愛情故事，不過MV中的三角關係非常寫實。

另外，今年主力在樂壇發展的Gladys自小就喜歡演戲，所以擔任三部曲的MV女主角亦過足戲癮。她亦好希望未來日子可以嘗試更多不同角色，「我覺得成班人一齊捱更抵夜個感覺好好，好熱血，好正。」