35歲陳偉霆狂做Gym 成個人厚晒心口勁脹變大隻佬

在內地獲封為「最強筍盤」的35歲男星陳偉霆（William），去年傳出跟內地超模劉雯同居，但原來認錯人，真霆嫂係同是名模嘅何穗，名模個Look都係咁上下，難怪認錯。


陳偉霆喺內地好紅，近年主理嘅潮牌「CANOTWAIT_」跟唔少國際品牌合作，據聞William身家幾億，真係好光宗耀祖。

有錢有女有埋身材就更好，最近陳生沉迷健身，練到手臂勁粗心口脹卜卜，總之成個人厚咗兩個碼，其實以前嘅陳偉霆都係肌肉型，但而家更厲害，感覺好打得。