余文樂囝囝扮超音鼠慶祝萬聖節 媽媽踢爆：他等這天等很久了

再過兩日就係萬聖節，即使正日未到，但好多小朋友已經急不及待要着扮鬼扮馬嘅節日衫。余文樂嘅三歲囝囝余初見都唔例外，事關余文樂以及老婆王棠云今日先後喺IG限時動態Post出阿仔着萬聖節服裝嘅開心相，王棠云仲留言話：「他等這天等很久了。」

從相中可見，初見嘅打扮並唔係傳統嘅鬼鬼怪怪造型，而係打扮成一個藍色物體，望真啲，原來係超音鼠套裝，萬聖節嚟講，呢個角色真係相當少見。睇得出初見好鍾意超音鼠，仲擺出超音鼠跑步嘅姿勢添，相當搞笑。