楊洛婷產後激減42磅 曾為上鏡好肥感傷心

楊洛婷（Rabeea）今日在葵涌拍攝纖體廣告，穿上一條螢光綠色吊帶低胸裙，谷出深長事業線，盡現惹火身材。產後4個多月的Rabeea已成功回復腰部線條，她透露花了兩個多月已減掉42磅，她稱第一胎已幫襯該公司，而今次以代言人身分修身兼可以賺錢。

Rabeea表示產後下身肥了很多，最初沒信心能減磅，她說：「因為產後唔可以即刻做運動，加上餵母乳，日日食同飲補湯。依家紮肚、做機同晚上戒澱粉質，走油走糖走鹽就能輕鬆減磅，信心都返咗嚟，亦可以開始做運動鍛練肌肉。」問對現時身形是否滿意？她笑說：「女人冇咁容易滿意，之前生完大女之後，見到自己上鏡好肥個樣子真係好傷心，今次修身後影相都唔覺得肥。」
育有一子一女湊成個「好」字，老公Tim可有給予100分？Rabeea說：「佢話我一定做得到，我哋非常開心感恩，結婚都係想生小朋友，我嘅願望已達成，佢事業又做得好，不過佢好忙，忙到凌晨先返屋企。而我嘅司儀工作又開始回復，大家都工作順利。」