JW Minnie造型惹坤哥爭住認Mickey 遭網民寸爆：以為係Chantel

31歲的王灝兒（JW）今日約埋幾好姊妹齊齊去主題樂園遊玩，JW今次發揮佢嘅無限創意，喺入場同埋一班姊妹先做「縫寶寶」，即場夾下dress code！

JW喺IG嘅限時動態貼咗幾段短片，見到佢哋幾個姊妹入樂園之前，喺車廂入面為一條紅色傘短裙加工，將白紙剪出一個個白色波點，再貼到紅裙之上，完成之後再將紅裙穿上，搭配本來已經穿好嘅一身黑色衫褲，以及事先準備的頭箍，就係咁，簡簡單單已經成功Cosplay米妮老鼠經典角色，驟眼睇完全睇唔出眾女條裙乃低成本製作，絕對呃得下人，所以JW都留言讚自己：「為我哋嘅DIY米妮老鼠服裝感到驕傲。」

到入咗樂園之後，JW梗係第一時間打卡兼留言話：「You be my Mickey, And I’ll be your Minnie!」點知吳業坤好快衝出嚟留言話：「OK!」 JW問坤哥：「想點？」有網民留言話：「睇錯以為係chantel（姚焯菲）」、「當JW係CHANTEL」、「金魚伯伯又出現了！」