鄧麗欣新戲與馬志威互相挑逗 現實跟王子於社交網互動支持
2021-10-28 11:30 
鄧麗欣（Stephy）和馬志威主演的《12日》成為《第18屆香港亞洲電影節》開幕電影，昨晚兩人出席開幕禮。兩人在戲中扮演由拍拖到結婚的一對，Stephy笑言導演安排首日開工便要演親熱戲打破隔膜，當收到流程表也嚇一跳：「喺銀幕上來講，我未試過咁嘅尺度，雖然有著衫，但睇落去似無著。拍咗嗰日戲都好，反而往後拍攝快速地擦出火花。」她又指在戲中不多親熱戲，但尺度到肉，其中有場戲跟馬志威在戲院互相挑逗。
可會叫前度男友邱勝翊（王子）入場觀看支持該片？Stephy表示順其自然，談到有網民發現她在社交網出post；王子緊貼隨即給like，Stephy笑說：「我都有畀like佢，係社交禮儀，大家朋友關係，一個like係一個支持。」提到王子在社交網透露獨自去做身體檢查感覺孤獨，Stephy又笑說：「我都畀咗like佢，支持佢做身體檢查。」
對於今次跟Stephy合作，馬志威笑言好緊張，因為讀書時已欣賞對方，覺得Stephy好靚又清秀，未想過十幾年後一齊合作扮演夫妻，更認為自己是上世修來的福份。
關鍵字
最新回應