Tyson Yoshi用玩具槍射女友 拍片笑出聲Fans祝佢平安

Tyson Yoshi（程浚彥）近日係咁曝光，出鏡多代表佢愈嚟愈搵到錢，但當事人就話好攰，好想唞唞：「其實有啲攰，想做歌，有時想錄歌嘅時間都好似冇。我發現我係需要放假享受吓生活，雖然多謝大家對我嘅厚愛，成日搵我，但真係好攰，做呢啲都係想大家多啲留意我嘅音樂。」同埋，好多藝人入行目標都係買樓，好一個Tyson Yoshi就話想休息多過買樓：「休息好重要喎，我冇諗過買樓喎，可能想買車，最近使咗好錢喺Uber度，可能買車會抵啲。」

Tyson Yoshi一有時間就同女友去拍拖，其實拍拖唔需要做啲咩好驚天動地嘅嘢，行吓商場已經好Sweet，拍拖餘興活動仲有射女友，無錯，Tyson Yoshi買咗支玩具槍射女友，佢仲拍埋片兼放埋上網，段片仲好似聽到Tyson Yoshi嘅笑聲，索女友睇完有咩反應，留言「X nei」明啦，唔使解釋啦。最好笑係Tyson補多張微笑相，相中寫住:Still Alive(仲生存緊)，好囂張喎。