Juicy叮|公屋妹扮住居屋強調出入搭的士 港男無奈:覺得住屋邨好失禮?

2021-10-25 11:25
公屋妹扮住居屋,強調出入搭的士,不願讓別人知道自己住公屋。資料圖片
公屋妹扮住居屋,強調出入搭的士,不願讓別人知道自己住公屋。資料圖片

公屋私樓之間的差距一向是熱門話題之一。有網民於討論區發文指,駕車送1位女性朋友回家時,對方不願透露真實住址,僅提到附近居屋屋苑名稱,不願讓別人知道自己住公屋,令該網民感無奈,「係咪覺得自己住屋邨好失禮?」。

該名網民於「連登討論區」,以「屋邨妹係咪覺得自己住屋邨好失禮」為題,憶述自己曾駕車送1名女友人回家,在詢問其住址時,對方只透露附近的居屋名字,惟眾人都知道她居住於屋邨,質疑女友人寧願下車走遠路回家,也不願讓別人知道自己住在公屋。

樓主又指,該名女友人對於自己「亂使錢」觀念感到自豪,「有時見無謂嘢,我話唔想買想慳返錢,佢又會話我慳埋啲無謂錢」,而且每次出街都很強調乘的士出入,樓主亦甚感無奈,稱「屋邨友真係特別鍾意充大頭嚟掩飾自卑」。

帖文引起網民的熱議,有網民表示女友人只為了保護私隱,特意隱瞞住處,「女仔人家唔想俾人知住邊度,有安全意識都唔得?」、「唔想畀你知住邊啫」;亦有網民分享指,「如果住嗰邊有齊公屋居屋私樓,住公屋嗰班永遠係居屋私樓嗰個站落,跟住行返去屋邨,公屋有站就係唔落」,

有網民認同樓主,稱其認識住屋邨的港女有共同特徵,「買靚錶靚袋追名牌,call Uber,IG 99% post住靚酒店staycation食好嘢」,相反住私樓的人則較低調,有人反駁指,「有時鍾意使錢唔一定係充大頭鬼,有好多都只係單純鍾意使錢」。

資料來源:連登討論區

關鍵字

最新回應

關鍵字

相關新聞

熱門文章