Edan奉旨攬林愷鈴怕醜到耳仔紅 花姐人盯人防擦出愛火
2021-10-24 10:00 
MIRROR成員呂爵安（Edan）本月初推出個人第三首Solo歌《My Apple Pie》，在YouTube已有超過230萬點擊。每逢拍Solo歌MV都有靚女坐陣的Edan，這次拍住龔慈恩女兒林愷鈴飾（Ashley）演情侶，昨晚（23日）Edan的YouTube官方頻道上載新MV的幕後花絮。
與Ashley首次合作，Edan就敷住面膜跟對方打招呼，奇怪得嚟又搞笑。Edan行偶像路線，MV當然沒有太多親密鏡頭，頂多也只是拖手和擁抱，不過已足以令Edan變怕醜仔。他被揸機哥哥發現耳仔都紅埋，而Edan都坦言：「攬女仔梗係怕醜㗎啦！唔好篤穿我啦，Ashley未知㗎！」而在一旁的經理人黃慧君（花姐）就用「死亡凝視」睇實Edan，未知是否想用人盯人戰術，以防Edan與Ashley擦出愛火呢？
之前Edan都自爆向導演要求加場打戲，他在MV中如願以償，就連Ashley都讚Edan好Man。不過花姐就公然落Edan面，話Ashley識做戲。Edan近來為拍新劇《i.SWIM》操到變「大隻安」，在MV中都趁機晒吓臂肌。他又自爆為了令臂肌上鏡顯得更粗壯，攬Ashley時都將手臂谷到行。鏡頭外都有化妝師為他的手臂上妝，但Edan強調：「係遮暗瘡，絕對唔係打陰影。」但化妝師就話：「裝假狗。」
關鍵字
最新回應