61歲黃子華穿裙褲搶風頭 Lokman跟偶像合作：我哋係BB班

黃子華、鄭中基（Ronald)、Lokman(楊樂文）及Tiger(邱傲然）一起以代言人身份到中環出席宣傳活動，四人一起以太空作為主題拍攝全新首個3D裸眼新廣告；當中以61歲的子華打扮最潮，穿上裙褲款配中Boots長襪，完全沒有違和感。

問到子華與Ronald 這次是否收天價酬勞？他們表示跟平常一樣，Ronald笑說：「每次收廣告費都感覺唔夠，總係覺得多啲更好。」子華曾拍攝由鄭中基做導演的電影，可惜至今仍未知幾時上映，子華說：「期待同佢再合作，或者下次我做導演，佢做演員。」

今年Ronald主演的賀歲片《闔家辣》將與子華主演的另一套賀歲片對撼。不過，二人不覺得是對打，子華稱說：「數十年嚟賀歲片都係好好睇，大家都會入場將全部賀歲片睇晒，那怕嗰年有5、6套。我覺得睇賀歲片就好似責任一樣，每年食完團年飯就會出動去買飛睇賀歲片，若果買唔到門票就等到買到為止，希望今年賀歲片能大旺場。」問到子華可會跟Ronald合作炮製整蠱藝人節目？他謙稱自己擁有的才華是很慢，Ronald則是急才，就像跑車一樣。他說：「合作玩人一定有機會，兩個人一齊玩朋友都幾好玩。」Ronald則指，自己快只是門面東西，慢才有深度，反過來讚子華。

Lokman和Tiger起初得知道有機會與兩位前輩合作拍廣告，便即時「嘩」了一聲，更忍不住說：「真㗎 ！佢哋係宇宙，我哋就係BB班，佢哋都係我哋嘅偶像，過往經常睇佢哋嘅作品。」問到拍廣告時可有開口自薦與他們合作拍電影？Tiger表示沒有直接講，但內心卻不停說若有機會甚麼也願意。

此外，有傳MIRROR將於明年七月在紅館舉行演唱會，Lokman笑言：「我哋呢啲低層員工未收到通知。」Tiger笑指兩、三個星期前才會收到通知。在旁的Lokman即幫口補鑊說：「依家好好多喇，通常兩至三個月前收到通知。其實我都好想快啲收到通知，可以快啲操練，又可想出更多創意演出畀觀眾睇。」