袁偉豪為老婆慶祝30歲生日 張寶兒：staycation完又要打風儲糧

剛剛過了30歲生日的張寶兒（Bowie），連日來與家人及好友們慶祝生日後，正日當然與老公袁偉豪過二人世界，雖然颱風「獅子山」日前吹襲香港，不過仍然無阻兩人的雅興，皆因當日袁偉豪book定酒店與老婆來一個生日staycation，Bowie昨日在IG分享了當日慶祝的相片並留言：「好久沒有穿裙子去撐枱腳，上次和你一起穿靚靚應該是⋯⋯台慶？拍嘢？做嘢？三十歲來點少少的儀式感，多謝老公，今晚通頂加油！#三十而已 #滿足感 #staycation完又要儲糧備打風 #祝大家安康」。

袁偉豪亦有晒合照祝賀老婆：「忙碌中能夠抽時間陪伴太太過生日，感恩！」兩人所post的合照當然溫馨兼浪漫，不過遠遠不及Bowie所貼的一段切蛋糕許願的短片，片中見到Bowie誠心許願後，用手拍不熄蠟燭，於是袁偉豪說：「生日快樂！吹喇，打咗兩針冇所謂喇！」Bowie笑笑口說：「你都係食番我啲口水，哈哈！」糖份真係極高！