維港會｜葉劉分享「美腿」保養心得 笑言對腳「一啲都唔修長」

現年71歲的新民黨主席葉劉淑儀，經常身穿短褲或短裙示人，大騷美腿，吸引網民眼球。她今日接受民主思路訪問，大談「美腿」保養心得，又笑言自己雙腿「一啲都唔修長」，只是「人哋畀面嘅啫。」

葉劉淑儀指自己出外行山或進行戶外活動時，一定會搽防曬，強調「暴曬最影響皮膚」，又指自己所用的防曬為法國品牌。她又引述蕭若元的說法，自言身高屬於矮小，「其實一啲都唔修長，我嘅腳就無可能修長嘅，都係人哋畀面嘅啫」。

她又透露自己喜歡行山，疫情下健身室關閉，她比以前更勤於行山，「最多都係星期六日，如果立法會休會，有時間就盡量去，一係早上，一係黃昏，無咁曬」

訪問中，葉劉更分享自己的飲食習慣，指其母親和姨姨曾患腸癌，所以她聽從醫生意見，早上進食穀物片和士多啤梨，盡量多吃蔬果。

被問及如何保持心境年輕，她則指自己遲生育，加上辦公室亦不乏年輕人，「我都好喜歡同年輕人傾偈，所以啲流行文化，我比較了解啲，咁可能令到我心境年輕啲，同埋正所謂比較貼地，up to date啲啦。」