台灣乜都拜│七師傅偷笑指肥仔最淫邪 不滿余逸思偏心193

由陳俞希（Hailey）及余逸思（Yoshi）以及居台的許綽婷（AV）主持的ViuTV全新節目《台灣乜都拜》將於今晚播映，節目介紹台灣特色廟宇的有趣故事和千奇百趣的占卜算命體驗，今、明兩晚(11及12日) 邀得ERROR成員193和肥仔以及七仙羽師傅作嘉賓，分兩隊進行問答遊戲，勝方可獲得台灣廟宇金雞一隻。

在問答遊戲中，Yoshi不時向193和肥仔大派貼士，令七師傅不滿，指被逼要用神通開天眼求正確答案，更大爆Yoshi偏心：「點解你要幫佢哋咁多呢？我知你鍾意193，但係你都唔使咁，費時你陣間勾起佢條筋」，令Yoshi十分無奈，193則笑言自己：「條筋唔係咁易被人勾起」。而開天眼的七師傅宛如開了「外掛」一樣，幾乎答對全部答案。而被問到在場誰最淫邪時，七師傅偷笑指非肥仔莫屬：「你睇吓佢望著Hailey嘅眼神就知」，令Hailey哭笑不得。隨後，七師傅更即場幫肥仔收驚，令全場忍俊不禁。