Juicy叮｜與母同住30多歲無業妹索7萬元睇牙 姊呻住私樓仲窮過公屋戶

網民在討論區「親子王國」發文，接獲與母居住公屋的30多歲無業妹妹索取7萬元治理牙科問題，感慨現在住私樓的人還比住公屋的人還要窮，引發網民議論。

發文者指，她與胞姐婚後遷出租住單位後，剩下媽媽與30多歲胞妹申請入住公屋，媽媽幾年前退休後已無收入，胞妹卻長年無工作、無收入、無錢剩，令到兩姊妹常常要接濟妹妹。發文者近日更接獲妹妹發訊息求助索取7萬元用於牙科問題。

發文者說，她自身層物業要交管理費、差餉等支出，還要供養讀大學的女兒，七除八扣下已經無太多錢剩下。而姐姐最大的兒子現在才讀小學。發文者沒有向姐姐求助因對方已經很不喜歡妹妹不工作，令她感到壓力。

發文者又透露，家中本是單親家庭，妹妹多年來只責怪媽媽「冇本事仲生佢出黎」，已經十多年工作，最近才做一些兼職。發文者認為，「一般打工仔供完樓仲有幾多錢淨？住公屋搵萬零蚊交埋租，仲好好使， 有乜事又可以拎綜援」、「我都發覺住私樓啲人比較勤力，請姐姐照顧屋企多，除非退咗休先至唔返工幫手照顧小朋友」。

有網民認為，是發文者妹妹的問題並不關公屋事，「呢個根本唔關住咩樓嘅問題⋯⋯叫亞妹承擔返自己嘅責任，搵工養家同埋父母，唔好再俾藉口自己了！以為有咩事都有兩個家姐照住…」、「你呢個情況唔好下下都怪公屋，你自己要畀錢人關鬼屋咩事呀」、「唔同意住私樓仲窮過公屋，要睇本身儲蓄，層樓供完未，仲有每個月人工...睇哂先知窮唔窮...」

有人則認為，「住公屋個消費觀同住私樓唔同，有政府包底，今朝有酒今朝醉。私樓就算層樓供完，管理費差餉地租加埋貴過唔少公屋租金。」、「一定係，公屋最多咪二千蚊租，供樓連管理費，最低消費都12000蚊。淨係在呢部份已經多10000使。」

帖文轉載自「大家同唔同意住私樓仲窮過住公屋？」