Juicy叮｜大哥赴英兩月後生活拮据即獲接濟幾百萬 次女怨父母偏心

一名家中排行第二的女網民抱怨，兄長近月全家赴英國後生活拮据，結果獲父母資助幾百萬元，網民心有不甘「一路都知好偏心，夾係中間嗰個多數都冇人理，都唔緊要，都唔好做得咁出面！」

網民透露，大哥之前早香港時一家兩口子已經住在父母物業不用交租，還有層千幾萬元的單位在他名下，「（父母）話寫住先唔係畀佢喎」。

網民稱，「（父母）由細到大斗零都冇畀過我，自給自足，打電話黎多數問佢哋（大哥）嘅野，而家佢（大家）咁決絕話要走乜都唔（都）理就走咗去英國」，結果大哥去了英國生活不濟即獲父母接濟幾百萬元，「一日都唔洗就即刻過咗數畀佢」，網民感到十分不忿。

網民解釋，父母從小「乜都冇畀過我啦，我亦唔會貪或要求佢哋有乜我有乜，」最憤怒的原因是大哥出發英國前，她曾經幫他很多，還介紹朋友給對方照應，結果「反轉豬肚」，過橋抽板，還損害她的在朋友圈聲譽，令她被人非議，對方卻完全無不好意思。

網民又不滿，大哥去了英國2個月，父母每次打電話來都是問大哥的事情，「(父母)又成日叫我返去食飯，其實想人陪，以前唔會諗起我，亦都好少打畀我，我只係用嚟收風嘅，依家仲好意思叫我幫佢睇下英國間屋靚唔靚」。

網民議論紛紛，有人直言「啲錢係佢哋，要點用係佢嘅事！但好老實，如果我父母係咁，到時佢哋有咩事、頭暈身慶，我一定唔會理佢哋」、「唔好唔開心，掉轉頭諗，你唔需要人幫已是你的福份，同你有的能力好過其他人。未到最後都未知佢係咪會好過你。」

也有類似經歷的過來人説「如果佢唔搞到我，即係唔駛我倒貼，我係唔會理長輩啲錢點分配。利申，我有個嫲嫲，疼幾個外孫，每個都幫佢哋上車。我同家姐冇幫過，我家姐本事，靠自己，我冇本事，住公屋，但我哋一啲都唔眼紅，反而覺得有個有錢嫲嫲都幾好，分就冇我哋份，但起碼唔駛養佢，已比好多人幸福 」

帖文轉載自「偏心到xx嘅父母」