古天祥讚太太教子有方 2歲囝囝玩完會執玩具

古天祥（Carlos）及太太（Cat）、李靄璣、可宜、黎澤恩等今日在中環出席活動，Carlos甜爆指盡可能都會帶同太太一起，因為更開心，原本還想帶同囝囝Ricardo同行，但他早上突然有點鼻水故作罷：「佢未足2歲，擔心小朋友身體唔舒服，就會好容易忟憎。」
不過Carlos指囝囝很乖很易湊，食飯會乖乖坐定、玩完的玩具也會自行執捨，大讚全靠太太教導有方，因自己工作較忙，教導囝囝全由太太負責。Carlos還爆近日教囝囝生活上的技能的趣事，他說：「用小馬桶嘅時候，囝囝將裏面啲嘢攞出嚟，搞到成間屋都係，所以呢方面要暫時擱置。」

Carlos正忙於拍TVB新劇《隱形戰隊》，他表示劇中有許多動作和殺人場口，還要與𣁽梧的郭子豪打到碌地沙，自問體型不及對方，為此積極操練。