Juicy叮｜po相指控餅店「買蛋撻送四腳蛇」 逾百網民變柯南揭造假破綻

有網友在社交媒體「中伏飲食報料區」貼相，指控一間知名餅店「買蛋撻送四腳蛇」，該貼文瞬即吸引逾三百位網友留言，不過，眾多網友都化身名偵探柯南，指出樓主貼出的相片有兩處明顯造假的破綻。

從這位投訴網友貼出的相片可見，一條四腳蛇在餅盒內，而盒內則放著一件蛋撻。該投訴者未有在貼文中交代時間和地點等細節，只簡單寫著某餅店名稱及只留一句「買蛋撻送四腳蛇」。

不過，三百多名網友留言全部質疑這張相片是偽造，總結而言，破綻有兩個。

第一個破綻：「蛋撻不嬲都係兩、三個起先比盒麻煩樓豬唔好呃人好無？」「買一件撻都比個盒你？除非加錢！」「成個盒俾你，淨係裝一個蛋撻？」

第二個破綻：「蛋都離哂皮，放左都唔知幾耐。」「個蛋撻嚟晒罩，根本唔係新鮮嘅。」「有可疑喎！件蛋撻唔新鮮，似隔夜！」

有網友亦指出，相中的盒與被投訴的餅店所用的盒式樣完全不同。

眾多網友均留言批評提出投訴的樓主「侮辱別人智慧」，「呃like都唔好害人。」「畀啲良心，間餅店得罪你，唔好屈人！」「存在感呢，就唔係咁刷既，吹到咁大，你當人白癡咩，下次擺隻恐龍落去丫嘛。」「就係太多你依啲造假投訴既人，先會令真有需要投訴既人冇人理。」

資料來源：中伏飲食報料區FB