好想去日本丨吳業坤任「解體show」小助手 大歎超靚吞拿魚中落

吳業坤（坤哥）和周奕瑋（Jarvis）主持的TVB節目《＃好掛住日本》，昨晚（4日）播出第四集，到訪和歌山黑潮市場觀賞「吞拿魚解體」show；原本一日三場的「吞拿魚解體」show，因疫情影響現時只維持一日一場。
坤哥充當解體Show「小助手」，藉詞為「吞拿魚控」Jarvis謀福利，將整條吞拿魚中落據為己有；二人一嚐地道新鮮靚吞拿魚表現超興奮，Jarvis更教坤哥用匙羹品嚐，你一啖我一啖看到電視機前觀眾口水流。他們還品嚐了色澤極為漂亮的大拖羅、中拖羅、赤身、腦天以及面頰壽司，Jarvis邊食邊感嘆謂：「腦同面喺香港真係幾多錢都食唔到！」坤哥亦說：「真心感動！」

除了豪飲豪食之外，節目亦有貼地一面，今晚及明晚（5日及6日）播出的兩集，二人將以貼地價入住民宿，每位一晚只需約300元。兩人亦會吃京都特色20格手織壽司便當，只需2,900yen（約港幣$208）；還有當地出名的「豆腐料理」，雖然食材用料簡單，但炮製出來的美食卻相當精緻，且價錢大眾化，絕對值得一試。

節目中，坤哥和Jarvis亦會透過「信鴿」任務，帶出一個又一個關於愛的感人故事，網上好評如潮，兩位主持接受《東張西望》專訪時坦言很感動，坤哥謂：「大家對我改觀咗，可能我太耐冇真人騷，一個接近觀眾近啲嘅我終於出現番，大家可能覺有改變。」
Jarvis則補充指節目「淚點」處處：「好多人話估唔到旅遊節目有洋蔥，睇完之後好感動，會喊住睇。」而第六集的任務是代替因疫情已兩年沒有回日本探望家人的金像獎音樂人兼電影配樂師波多野裕介，向身在日本的父母及叔公送上心意及禮物。