星爺當人提款機 譚玉瑛泳照出土

　　(星島日報報道)TVB兒童節目深受孩童歡迎，歷年來孕育了不少知名藝人，為了喚起觀眾集體回憶，三位資深兒童節目主持譚玉瑛、黎芷珊及蓋世寶一起擔任主持《童你一起長大了》，節目前晚首播，邀請了當年經典主持龍炳基透過視像揭秘，大爆星爺「大頭蝦」又經常向他借的士錢。

　　星爺和龍炳基是藝訓班同學，1983年齊齊加入《430穿梭機》成為好拍檔，龍炳基笑稱星爺是他和太太之間「媒人」，並笑說：「嗰時拍《黑白殭屍》宣傳片，我同星仔要喺天窗跳落嚟，星仔跳先，但佢可能出於本能驚，就縮起隻腳，當時我跳緊落去，直接撞落我個鼻骨度，成個鼻歪咗，要入醫院，因為咁識咗我老婆。」龍炳基又爆星爺「大頭蝦」，經常唔見銀包或忘記帶銀包，會跑入化妝間叫：「基仔基仔，借住廿蚊嚟。有時在餐廳食嘢，佢唔記得帶銀包又會叫我畀住錢先。」張國強聞言笑說：「你喺佢心目中唔係龍炳基，係提款機喎！」

　　節目回顧了譚玉瑛與黎芷珊的泳衣照，譚玉瑛指當年與節目監製早已定下四大守則：「唔袒胸露臂、唔着泳衣、唔着短裙、唔着吊帶。」最後還是獻出了第一次。