莫文蔚貼老公甜蜜合照 慶祝结婚十周年表白愛意

51歲嘅莫文蔚（Karen）昨日同初戀老公Johannes結婚十周年，為咗慶祝呢個咁特別嘅紀念日，Karen特地喺個人社交網站晒九宫格甜蜜照片，仲冧爆向老公示愛寫道：「不管何時何地，寶貝我愛着你#結婚十年#初戀#戀一世的愛」。相中記錄兩人走遍過嘅足跡，兩公婆唔止手拖手，Karen不時依偎老公，兩人頭貼頭sweet爆，網民都紛紛留言送上祝福。

Karen於17歲在外國讀書期間，與老公Johannes認識，並成為彼此的初戀，但當時只相戀一年就分手，相隔16年後再續前緣，並於2011年結婚，轉眼間今年已結婚十年。

今年6月莫文蔚為《絕色》巡演尾站演出，佢表明係人生最後一次大型實體個唱，Karen接受本報訪問時表示：「老公Johannes聽到我呢個決定都話好！因為佢最享受二人世界。但每次我走tour時，我哋要攝時間搵機會見面，始終結咗婚，唔可以成日將工作排喺第一位，咁樣對佢唔公平，喺時間要調整一吓兩公婆嘅節奏。」睇嚟呢個決定，令兩公婆關係更加和諧。