蘇皓兒打街場冇仔吼

　　（星島日報報道）近日頻頻出席活動的蘇皓兒（Chole），昨日現身三人籃球賽決賽，更親身上陣落場參賽。她笑言「撒手鐧」是幫手出圈及射三分，自問鬥不過男仔，雖然不時會打街波，但不會吸引到男生，皆因打扮求其。被問及是否喜歡運動型男仔，她表示揀對象睇性格為主，最重要大家夾到。

　　Chole又透露在新戲會飾演塔羅牌師傅，現實中也篤信風水命理，去年開始請師傅為家居睇風水。她說：「擺風水都係利事業同人緣，上年話我忌水，今年先去學潛水。」談到新戲跟型男吳卓羲和栢天男合作，她說：「之前跟栢天男合作過，但今次嘅角色大家都好唔同，都好期待。而跟吳卓羲未正式開工做對手戲，希望到時無壓力，我見佢接受訪問感覺好友善。（喜歡這類男生？）佢哋外形吸引，不過工作還工作，工作唔可以諗感情嘢。」