Juicy叮｜屯門怪男狂扯4歲女童頭髮 港媽：嚇到個心離一離

家長與子女外出時要提高警覺！一名港媽於社交網上分享，指與女兒逛屯門市廣場時，女兒突然被一名陌生男子大力扯頭髮及甩頭，嚇得港媽「個心都離一離」，並提醒各位家長出外時須保護好小朋友。

一名港媽於Facebook群組「屯碼牛牛」投稿，指日前與4歲女兒及婆婆逛屯門市廣場，女兒因人有三急，行經廁所門口附近時，突然一名陌生男子用力拉扯她的頭髮，「仲fing咗佢個頭兩吓」，當時男子身旁有2個人，不停大叫喝止，著男子放手。隨後男子放開女兒的頭髮，3人不斷向港媽及女兒道歉。

此時3名保安趕至，惟港媽早已被該名男子嚇得魂飛魄散，「我嗰陣嚇到個心都離一離，都未嚟得切反應」、「即刻抱走個囡攬實佢，我個囡嗰陣係嚇到淨係知好痛同大喊」。港媽坦言，至今也無法釐清當日具體情況，故希望道出事件始末，提醒各位家長小心保護小朋友。

帖文引起熱論，不少家長紛紛表示擔心，「睇完事主經歷真係要更加小心先得」、「同小朋友出街實係會一眼關七，不時周圍望，尤其是有陌生人靠近佢哋時一定會盯緊，同埋用最短時間行近小朋友身邊。」亦有網民籲港媽當下應立即報警，「應即時向保安求助報警，免得下次再遇到，及有其他受害者！」

資料來源：屯碼牛牛