連詩雅曾靠藥物控制情緒 而家學識煮到埋嚟就食

連詩雅今日在電台為新歌《別放棄治療》宣傳，透露入行多年亦遇過低潮期，曾質疑自己是否適合做藝人，她說：「有段時間覺得自己做乜都唔啱，大家都好似唔接受，個人感到好迷惘、迷失，情緒都幾波動，仲會無原無故咁喊，唔知自己每日做啲乜，甚至點樣繼續生活？」她透露這段時間維持了好幾年，最初有求醫服藥，但本身抗拒長期食藥，最終還是靠做運動、同事勉勵、信念及保持正能量，多管齊下得以康復。

難關難過關關過，連詩雅回望過去也覺得不是甚麼大件事，她說：「有邊個香港人冇經歷過情緒問題，但回望捱過難關後，就唔係咩大件事，更會發現自己比想像中強大。疫情下，我仲學會煮到埋嚟就食。」她表示自己一向報喜不報憂，所以甚少提及這些事，今次是為紀念去年入行10周年而推出的歌，作為自己成長的一個里程碑，但因為疫情延至今年才面世，希望大家無論遇上甚麼不愉快或困難，都不要放棄治療。