張致恒盡力打拳賽雖敗猶榮 老婆雯雯發文讚是囝囝的偶像
2021-09-21 16:30 
近年負面新聞纏身、被指欠債唔還的張致恒（Steven），日前上擂台與YouTuber周世鏗（大J）打拳賽，但Steven賽前又超重及要求減每回合賽一事受罵，最終上場盡力作戰，不過依然不敵落敗，但賽後不少網民讚Steven表現尚算不錯。
Steven太太雯雯賽後在社交網上載一張一家四口合照，留言大讚老公︰「你喺我同兩個仔心目中已經贏晒！一切都唔重要，你嘅改變，真心有心嘅人係會感受到。五個月減咗五十幾磅，每一日見證住你唔食嘢不斷嘅運動，每一日都仲要堅持工作養屋企同埋照顧屋企，其實咁樣已經足夠！冇用心去了解只係睇表面嘅人，根本無需要理會。你話佢唔好我偏偏話佢係最好嘅老公同爸爸！你永遠係兩個仔嘅偶像！」
關鍵字
最新回應