甜爺爺丨夏韶聲收孫仔親筆信 感動冧爆要即場錫啖先

由電台DJ泰山作主持的ViuTV節目《甜爺爺》，邀得5位爺爺和公公以及各人的孫子：夏韶聲（Danny Summer）、周中師傅、馮䘵德、劉皓嵐（劉小華）素人公公以及素人爺爺Bee進行一連串任務，從中學習成為一位與孫仔孫女融洽相處的爺爺，讓老人家不用慨嘆小朋友是「港孩」，新生代不再稱呼老人家做「廢老」！

今晚(17日)播出的最後一集，夏韶聲和孫仔Kyle二人遊車河互訴心聲，又漫步西貢觀賞星星，十分溫馨浪漫。Kyle特意準備了親筆信和畫作送給夏韶聲，表白說：「You are my hero. I am so proud of you」，令夏韶聲冧到暈之餘，更即場要和孫仔「錫啖先」。

夏韶聲感性地說：「冇諗過可以陪到Kyle幾多歲，不過都好想可以陪到佢長大成人同結婚，睇下佢大個咗廿幾歲嘅時候會係點。不過就未必可以見到佢嘅小朋友。」他透露已經決定會將自己的結他和音樂留給女兒及兒孫。他指會將現時使用的結他留給Kyle，上面印有夏韶聲的名字，全世界僅有一支。