洪永城唔知《法證先鋒V》換角 爆黃翠如狀態無以前咁Fit

洪永城（Tony）出席節目《知識新天地》宣傳活動，久未露面的Tony透露近來忙於做運動，以及為新劇《凶宅清潔師》做後期，希望趕及12月出街，雖然兩星期後就要為《法證先鋒V》開工，但都不時陪伴快將臨盆的太太梁諾妍。他表示太太的預產期是年尾，心情未開始緊張，但已向《法V》劇組請了兩星期假準備。問他可會入產房？Tony笑言未想過，他不怕血，也想在太太身邊支持和鼓勵。

有指好友黃翠如有份拍攝《法V》，但因情緒問題未能開工，最終劇集大換角，Tony表示不知情，自己就一早知是和蔡潔做對手。問到翠如近況？他說：「我有關心她，她OK，但她的事就由她自己講啦，總之everything OK。我有和她傾偈，但不知她幾時開工。（她現在有無窒少咗你？）一半一半，好似無以前咁fit的狀態，但有時又會潤到我好應，所以狀態都不錯。」

另外，講到TVB資深製作人、非戲劇分部經理衞世輝今早離世，Tony表示有合作過對方的節目，但與其較少接觸，但見到身邊不少同事收到消息後都哭了出來，深深感受到衞世輝在同事心中的重要性，相信很難有人取代到其位置。