維港會｜「林鍾一戰」前夕鍾培生加碼100萬挑機 林作：有人俾硬

擾攘多時的鍾培生與林作「林鍾一戰」拳賽，將於周六（18日）晚上開打，大戰前夕，鍾培生與林作在擂台外的口水戰，仍然沒有停止跡象。其中，鍾培生突然於今天早上在社交平台點名網站林作，表示希望在賽前加碼100萬元「挑機」，更揚言要將他KO：「早晨，有冇興趣加碼如果我K.O.咗你扣30萬出場費，如果K.O.唔到俾多100萬你。」

至於被挑機的林作，今天中午在網上開直播數分鐘，表示自己與友人出海，輕鬆表示接受鍾培生「挑機」：「我哋今日嚟玩架嘛，為咗慶祝今日攞多100萬，我哋嚟（對鏡頭）hi一hi先，無端端又收多一舊。」

林作又話自己與朋友「身在公海」，準備舉行「慈善啤王大賽」，又揚言：「大家都接受我無帶現金嚟，直接可以賭，因為200萬有人俾硬，啱唔啱呀！今日心情輕鬆非常之好。」至於林作在昨晚更新的帖文中，分享了母親王莉妮為他製作了一批手寫的打氣旗幟。

不過，對於鍾培生加碼挑機，不少網民認為並不值得：「不如佢贏輸個差價都捐慈善團體啦，好過益林作。」、「留返做善事啦。」、「KO林作捐100萬去慈善機構做慈善拳王好過啦」。