20歲女好耐冇戀情 沈月IG晒Puppy Love合照

一代性感女神邱淑貞（豆豆）的大女沈月，上月13日終於踏入「二字頭」。堪稱「最索星二代」的她盡得媽咪遺傳，不但自幼已是個靚女，長大後九頭身Fit爆Body更是拍得住豆豆，所以人仔細細就開始拍拖，早於2017年、當時僅15歲的她，被撞破跟「混血吳亦凡」於中環拍拖，可惜有傳遭父母棒打鴛鴦，其後沈月被送往英國讀書。

自此，沈月亦再冇傳出過戀事，不過昨晚（12日）她忽然於IG自爆「Puppy Love」，講緊嘅原來是新養約4個多月大的秋田犬「Akio」。沈月貼出兩張與愛犬的合照，穿上紫色Crop Tee襯熱褲的她大晒纖腰及長腿，並拖住Akio落街散步，估計呢位新手「狗奴」服侍得好好，所以「小主子」都笑晒，好開心！