Anson Lo變教材惹家長不滿

　　（星島日報報道）盧瀚霆（AL）昨日現身活動，吸引大批「神徒」到場，場面墟冚！佩戴眼鏡的AL面露疲態，但仍大跳Moon Walk舞步、又揮手擰頭的拍照o氹「神徒」；當AL表示前一晚通宵為單曲《Megahits》拍MV時，有「神徒」大叫：「你通宵拍MV，我通宵排隊！」

　　通宵工作後才趕到活動現場的盧瀚霆（Anson Lo/AL）表示，試過最長70小時工作時間，由於居住地方偏遠，完成MV後到工作人員家中沖涼換衫才前來。他說：「今早7時40分拍完，直落今晚開工應有30幾小時。依家狀況都OK，今朝化完妝就少少暈，但已經過咗最眼瞓時間，不過在車上都有瞓一陣。現在見到粉絲好開心，我知道佢哋通宵排隊，辛苦晒，所以我都無資格嗌攰。」對於連續3個月雄霸尖沙嘴碼頭的巨型廣告板，被網民封為「教主碼頭」；AL表示多謝「神徒」及客戶支持，還有粉絲自發性製作手工藝品售賣後，將錢捐給領養或助養動物慈善機構。

　　提及日前於限時動態大晒以他為題材的英文科功課紙，令家長不滿，指偶像風滲透校園。他解釋功課紙由母親傳發給他，又認為功課不關追星事，只是覺得自己所屬的男團已融入大家心中，陪住大家成長同經歷大小事。談到因他演出同性戀題材劇集《大叔的愛》，有家長擔心年輕人對兩性關係有所困擾；他表示日後會透過作品發放正能量，影響學生努力讀書，不要放棄學業。談到入選網民票選8月「十大人氣藝人排行榜」的第3位，他亦有多位隊友上榜，他說：「排名同數字對我哋嚟講唔係好重要因素，我哋重視作品好唔好聽。」