返學幾日要準備測驗 蔣怡爆8歲女兒迷韓團BLACKPINK

蔣怡今日以大使身份到灣仔會展出席活動，以露背褲裝性感亮相。她透露正修讀為期2年的中華廚藝學院課程，剛完成考試後便趕到現場，她說：「主要學習炮製點心，目前最拿手嘅菜式係鍋貼同小籠包等北方點心，連父母都讚有米芝蓮水準。」蔣怡表示最想學識整蝦餃，因為是女兒及老公的最愛，現在整小籠包及叉燒包家人亦十分受落，笑說：「小朋友好捧場，就算工作較忙，幫家人準備餐點都唔太難，好方便。」

9月剛開學，問到小朋友是否已習慣？蔣怡說：「阿女好興奮，可能係最鍾意返學嘅小朋友。」她表示小朋友返學幾日便要準備測驗，身為媽咪不會特別緊張女兒成績，她解釋：「有時間都會陪仔女溫習，忙起上嚟小朋友都懂得自己學習，阿女愈大愈乖。」問到可有追星？蔣怡指8歲女兒迷韓團BLACKPINK，會指定買黑色及粉紅色衫，閒時亦愛唱歌跳舞，而她提出一起跳舞時，女兒會怕醜，她說：「可能嫌媽咪跳得唔好睇，我都想搵適合嘅場地畀囡囡女兒學跳舞。」