舉行首次個人騷 馬天佑請來陳慧珊「復出」網民感驚喜

圈中形象顧問馬天佑，除了為藝人設計造型外，他近年亦有唱歌，及跟其他歌手合唱，搞作多多。馬天佑昨日（6日）在IG貼出短片及留言宣布即將開騷，而今日他再在IG貼出海報公布將在11月於麥花臣場館演出，馬天佑形容幾位嘉賓皆是千禧女歌手，包括有何嘉莉、谷祖琳、關心妍、趙頌茹及張新悅，最後一位更是久違台上及幕前的陳慧珊，令不少網友十分意外。

昨日馬天佑先在IG貼出短片及留言表示：「正所謂有今生無來世，想喺度宣布一件人生大事，就係喺嚟緊11月5號，我將會喺麥花臣開我人生第一個show！！show名就係《Reinvention馬天佑 衫。重奏》。」馬天佑續說：「呢一個show嘅形式同一般嘅演唱會有啲唔同，因為我會同幾位千禧年出道嘅女歌手一齊Reinvent比大家睇。雖然呢個show叫《衫。重奏》，但我覺得呢種Reinvention，係可以apply在佢哋唔同的層面上面。」