新歌充滿正能量 胡鴻鈞化身Super Hero拯救世界

胡鴻鈞（Hubert）日前為新歌《今天不營業》拍攝MV，請來全新班底合作，導演借用孫中山紀念館做拍攝場地，Hubert大讚好靚：「MV故事都幾天馬行空，一個打劫嘅情景，我化身成為super hero，喺時間停頓下，用make fun嘅方式去拯救世界。」

新歌希望給予大家正能量，Hubert亦提醒自己長大了，工作生活瑣事變得複雜，但仍要謹記初心，活在當下尋回快樂，「超人都會有攰嘅時候，每個人都需要有空間去做自己鍾意嘅事，需要放鬆休息，有自己嘅生活。」

Hubert今次嘗試新風格，找來一位好有才華的後生仔負責作曲，希望透露跟年輕人合作，認識及了解更多時下流行的音樂，從而豐富自己。Hubert更特意去找馮允謙（Jay）幫忙，「呢個好chill嘅曲風對我嚟講係一個挑戰，好感謝Jay抽空同我上堂，佢仲特登錄咗個demo親身示範，令我更加有信心，希望大家都鍾意我呢個新嘗試。」