40歲生日照例唔提王浩信 陳自瑤拒揭露送花人

陳自瑤（Yoyo）繼《好聲好戲》及《識貨》接連奪獎獲封「綜藝女王」，連高層王祖藍都戲言怕怕，要雪她避免獎項被抱走，她笑言今次《思家大戰》只是遊戲節目，不似之前鬥生鬥死沒有壓力。

上月27日40歲生日的Yoyo，在社交平台分享了手抱巨型玫瑰花束相片，令網民好奇送花人是否老公王浩信。問到生日如何度過？Yoyo笑言：「生日要多謝自己。（自己送花畀自己？）唔係，不過私人問題就唔答咁多，當日係同朋友喺酒店房搞生日會，當時有好多朋友，但都係圈外人，所以唔方便貼相，只係貼咗自己單人相。（囡囡可有表示？）佢送咗相架畀我，佢知道我鍾意花，我又真係好鍾意花，所以佢用乾花整咗相架畀我。（老公有冇表示？）跟住問老公？私人問題唔答太多嘞。」

提到好姊妹黄翠如早前發文「再見」被指情緒受困擾，問生日可會與翠如及連詩雅慶祝？Yoyo表示有邀請二人，但因工作無法參與，相信之後會再共聚，又指翠如已說明是私人悼念，只是大家揣測。問Yoyo有否見過翠如？她表示早前有見面，也有短訊聯絡，大家不需要擔心。