【星島獨家】處男電影演外賣仔 姜濤零妝踩單車似模似樣

MIRROR成員姜濤被彭秀慧導演睇中首度踩入影壇，夥拍影后毛姐（毛舜筠）拍攝劇本以MIRROR經理人花姐為藍本的英皇電影《K風暴》（暫名）。戲中姜濤和毛姐做母子，其它演員還有Jer（柳應廷）、麗英、曾樂瞳及岑珈其。

為了今次電影拍攝，姜濤除咗學踩單車，亦勤打籃球減肥，又安排時間排戲，而為了全副心神投入劇組，姜濤早前出席活動時透露會推掉大部分工作專心拍戲！另外，為求以最佳狀態示人，入劇組開工前一日，姜濤特別抽時間在銅鑼灣街頭跑步，只睡了數小時於開工前再到海傍跑步出多次汗。

近日劇組終於開工，首日在油麻地一茶餐廳拍外景，吸引半百「姜糖」圍觀。姜濤一早由助手陪同到場，換上茶餐廳侍應戲服，頭頂紥起小辮的他幾乎素顏上陣。而拍攝前，彭秀慧導演細心指導各演員走位，一roll機，踩住單車的外賣仔姜濤由街頭踩到街尾，兩take導演就收貨！之後姜濤再入茶餐廳拍攝，見佢模仿侍應入醬料和落單都似模似樣。

現場所見，首日開工的姜濤已經和劇組打成一片，休息期間有講有笑，另外工作人員亦有勸喻圍觀者不要拍照，「姜糖」們都好聽話只從遠處觀望！拍攝到晚上七點終於收工，姜濤換回藍色衞衣由「姜糖」護送下上車離開！