【獨家】網上晒「胸器」惹變態留言譚淇淇見過吳亦凡未獲「選妃」

2021-08-31 23:54

網絡紅人兼女Rapper譚淇淇（Kiki）喺IG有近8萬粉絲，除咗鬼馬介紹音樂、潮流、吃喝玩樂外，仲會P圖幫自己「升 cup」，出post大晒「胸器」，咁惹火自然容易惹嚟變態留言，甚至有人出價30萬請佢陪老闆去韓國出席音樂節，不過Kiki見錢唔開眼：「我都唔值錢，我畀人嘅快樂係免費嘅！」採訪：方騫平攝影：張詠森場地：deROYAL

做咗4年KOL嘅譚淇淇明白到網上係睇流量嘅世界，廣告客戶只會睇like數，所以經常po養眼性感相，她大笑說：「啲相冇前冇後唔靚嘛！睇落會好似一團LuLu豬，要着得靚去尊重件衫！」因為咁，Kiki吸咗一啲變態Followers，她自爆收集咗個「奇語錄」：「有人留言『如果Kiki幫我戴避孕套就好！』哈！佢要求好搞笑，太卑微喇！仲有個代入埋個人職業留言話『究竟斬幾多燒味先可以同Kiki共度一晚春宵？』真係好有創意，不過我尊重言論自由唔會block佢哋，因為尊重係自己畀自己嘅。」

覺得自己唔值30萬
係網上行走咗咁多年，最爆係有人出價30萬港元搵佢陪老闆去韓國出席音樂節：「咪玩啦！呢啲只係放卧底落去試探吓，我唔排除同行會有人咁做，因為每人選擇唔同，大家百份百唔使懷疑我有做過，平心而論，譚淇淇值50萬？就算5萬、5千都要諗吓啦！」她於2017年參加《中國有嘻哈》時見過星級導師吳亦凡，但她屬潘瑋柏一組，同吳亦凡只係遠遠見過面，而佢亦有靚女參賽朋友曾獲邀去飲嘢，但對方同她性格一樣好尊重男朋友，結果冇下文。