謝影雪睇完音樂劇想集郵 Serrini唔認得「鄧謝配」尷尬耍冧

風車草劇團音樂劇《孿孿成人禮》昨日圓滿結束，東京奧運港隊羽毛球代表謝影雪和鄧俊文都有睇騷，原來謝影雪是主演之一Serrini（梁嘉茵）的Fans，她完場後找偶像合照兼留言：「令我耳朵懷孕嘅女人」，不過Serrini就在社交網自爆唔認得「鄧謝配」！

Serrini表示知道有兩個人想找自己影相，但她就令氣氛相當尷尬：「出到去有人介紹『呀，佢哋就係XXX同XXX啦～』我話Who dat？但係我個friend望住我，原來係奧運攞獎牌嘅人嚟嘅（註：「鄧謝配」是東奧羽毛球混雙第四名）I'm verli sorry因為我記人名同埋樣真係非常差......」

Serrini再道：「跟住我話：『最近我都買左塊羽毛球拍打吓』，然後同隔籬隊友s chitchat話：『gel甲真係唔適合打羽毛球呢』」，令「鄧謝配」聽到都唔知畀咩反應好！她也不禁表示自己「好X」，事件亦被粉絲恥笑：「係咪謝XX、鄧XX😂」、「呢度講呢度散開去」、「你玩羽毛球個畫面，我只聯想到撲蝶」。此外，同樣有份演出《孿》的其他演員亦有與「鄧謝配」集郵，而身為「鏡粉」的謝影雪，今日在IG透露收到MIRROR粉絲自製的應援物。