車Cam直擊│屯門男童衝出馬路險捱撞 母親嚇至腳軟

馬路如虎口。網上流傳兩段小童今早在屯門過馬路險被撞倒的短片，片中還見到目睹驚險一幕的男童母親，在行人路上嚇至腳軟蹲下，拖著兒子說「畀你嚇死」。

現場為屯門華都商場對開屯盛路，事發於今早8時左右，片中的男童突然走出馬路，向對面行人路的母親跑去，期間男童懷疑無留意馬路情況，險被車撞倒，幸司機扭軚及急煞及時，避過意外。

涉事司機事後在fb發文，指「小朋友。好彩你命大加上有運氣，叔叔思考得黎仲要預測埋你動態，煞車反應已經遲咗。

阿媽媽，橫過馬路一係就拖住小朋友，一係就教清楚佢要望兩邊和不要跑，佢跑過馬路時全程沒有望過我依邊，如果係遇到個更分心嘅司機或中重型車，後果好嚴重。妳踎喺度喊都冇用。」

有看過短片的網民留言，指睇到「心都離一離」，另有網民感到好彩，指「咁啱有個避車處」，還有人提醒「其實馬路係要慢慢過的，唔好同車鬥快」。

短片：網民Kay Tang