【獨家】《梅艷芳》11月上 拖新歡買衫助興 梅啟明默認出軌:冇問題㗎咩事啫

2021-08-24 23:00
梅啟明周日晚被發現與年約40多歲的金毛中女,十指緊扣去時裝店執平貨。
梅啟明周日晚被發現與年約40多歲的金毛中女,十指緊扣去時裝店執平貨。

已故天后梅艷芳(阿梅)的大哥梅啟明今年底便「登七」,一直被指游手好閒、不事生產的他,12年迎娶年輕16歲的馬來西亞女友,兩公婆與兒子的各項生活費,全由「梅媽」覃美金從阿梅遺產基金中支出,去年更於「疫」市中開設馬來西亞食品店。周日(22日)晚,戴住黑圓粗框眼鏡,撞樣《超人特攻隊》E夫人的梅啟明與一名年約40多歲的金髮馬尾中女在銅鑼灣十指緊扣Shopping,望真啲中女並非其老婆,事後他向本報默認跟金髮中女是「拖友」關係,太太亦知道「二房」的存在,更表示:「咩年代呀?」做老闆仲有閒錢養多頭家,真係叻仔呀!採訪:梁志明

梅啟明周日晚被發現與年約40多歲的金毛中女,十指緊扣去時裝店執平貨。
梅啟明周日晚被發現與年約40多歲的金毛中女,十指緊扣去時裝店執平貨。
有家室的梅啟明拖實金毛中女於銅鑼灣行街。
有家室的梅啟明拖實金毛中女於銅鑼灣行街。

周日晚上8時,《頭條日報》記者於皇室堡撞到梅啟明,身旁有一位腰間孭住個「小販袋」的金毛中女,兩人十指緊扣行入地下一間時裝店,頭戴Cap帽的梅啟明全程繞住手,耐心傍住對方揀靚衫,這位背脊通花透黑Bra的女伴尤其鍾意斯文款長西褲,之後再拎起啲恤衫、花裙又捽又摸,梅啟明都不時搭吓嘴、畀吓意見,見對方睇中件藍色束腰連身短裙,他即時笑到瞇晒眼,狀甚滿意。

齋陪Shopping冇找數
店內所有貨都做緊大減價低至三折,幾百蚊有交易,覺得好抵的金毛中女逐件拎上手慢慢睇,梅啟明索性坐埋一邊玩手機,玩咗陣目光又注視番女伴。本來「大媽Look」的金毛中女換上裙仔後瞬間Lady晒,見到中女突然回春梅啟明即刻彈起身眼甘甘𥄫到實;即使舖頭落了半閘,中女仍然係咁試,最終揀多一套白色短褲套裝,共逗留1個多小時,前後買咗四套衫,二千蚊唔使,自己畀完錢就拖實梅啟明離開。

梅啟明陪住金毛中女揀衫全程表現殷勤。
梅啟明陪住金毛中女揀衫全程表現殷勤。
梅啟明繞晒手畀意見,兩人研究咗呢條裙好耐。
梅啟明繞晒手畀意見,兩人研究咗呢條裙好耐。

叫記者都可以拖佢手
事後本報記者致電梅啟明,問到現時與太太的感情如何?他答:「冇問題呀,有咩事先?」記者續指拍得他與金髮中女拖手行街,他即反問:「喺邊?皇室堡?係咩?有咁嘅事?(佢係你女友?)吓?點樣?(同嗰位女士咩關係?)係咩,咁你都係我女朋友啦,拖手呢啲小問題。(老婆知你有個女友?)冇問題㗎,有咩事啫!」梅啟明全程回答語調非常急速,再追問太太可知對方存在?梅啟明儼如「錄音機」般,不斷重覆答案,甚至食記者豆腐:「有咩問題?冇咩問題㗎!(太太唔介意?)冇問題,有咩事快啲講,我有電話入。」再三問到金髮中女的稱呼,他說:「你點稱呼咪點稱呼囉,唉……(認識幾耐?)好耐囉,幾年囉。(拍拖幾年?)嗯,拖手小問題啦,你都可以拖我手㗎,哈哈!(可稱呼為二房?)哎呀!咩年代呀?」語畢他便以接電話為由Cut線。

其間梅啟明「E夫人」上身,化身「Stylist」揀了一條連身短裙畀女友。
其間梅啟明「E夫人」上身,化身「Stylist」揀了一條連身短裙畀女友。
見女友揀足15分鐘都未停手,梅啟明索性坐埋一邊覆Message。
見女友揀足15分鐘都未停手,梅啟明索性坐埋一邊覆Message。
金毛中女瞬間由「大媽」變OL,梅啟明都忍唔住近距離睇到眼定定。
金毛中女瞬間由「大媽」變OL,梅啟明都忍唔住近距離睇到眼定定。
金毛中女揀到舖頭拉晒閘,之後拎住張單就走人,估計遲吓先攞貨。
金毛中女揀到舖頭拉晒閘,之後拎住張單就走人,估計遲吓先攞貨。
梅啟明與馬來西亞籍老婆育有一子,梅啟明向本報默認太太都知「二房」的存在。
梅啟明與馬來西亞籍老婆育有一子,梅啟明向本報默認太太都知「二房」的存在。
梅啟明和梅媽一直跟遺產管理人打官司,要求提取梅艷芳遺產,惜屢打屢輸。
梅啟明和梅媽一直跟遺產管理人打官司,要求提取梅艷芳遺產,惜屢打屢輸。
97歲的梅媽去年曾進行通波仔手術,今年5月再因胃病入院。
97歲的梅媽去年曾進行通波仔手術,今年5月再因胃病入院。
今年12月30日便是梅姐逝世18周年,而紀念梅姐的電影《梅艷芳》將於11月上映。
今年12月30日便是梅姐逝世18周年,而紀念梅姐的電影《梅艷芳》將於11月上映。
關鍵字

最新回應

關鍵字

相關新聞

熱門文章