【碎料啦】玩開高難度攀山 「小丑」謝勒力圖輕鬆攀石

49歲「小丑」謝勒力圖（Jared Leto）好鍾意運動，但佢鍾意嘅運動唔係普通嘅打羽毛球呀，踩單車之類，佢鍾意玩啲幾有危險性嘅嘢，例如攀山，去年佢就自爆攀山時因條繩差啲被石頭割斷而險墮崖送命，當時佢喺600呎高空，嚇死人咩。

玩開激嘢，室內攀石對佢嚟講變咗小朋友運動，睇佢好似蜘蛛俠咁快速由右攀到左，最後仲好輕鬆咁跳落地，有型。