朋友離世張敬軒體會珍惜眼前人把家人放首位：錢搵唔晒

2021-08-17 12:00

張敬軒昨晚亦有出席《怒火》首映禮，他指已有四、五年冇拍電影，若遇到適合角色也有興趣再拍戲：「不過打打殺殺嗰啲就太Heavy，如果有導演咁大膽搵我拍動作戲，我都會好勤力去做足準備功夫，但我鍾意拍開心的題材。」軒仔坦言曾有導演找他拍戲：「之前有兩個劇本傾過，但因為又要做音樂，我唔想接咗但又準備得唔好，所以都係希望有充足的時間先會拍。」

原來是軒仔入行二十年，坦言目前一定把家人放首位，工作放第二位：「父母住喺廣州，因為疫情關係少返去見面。近年好多身邊朋友離世，覺得人與人之間關係更緊要，錢係搵唔晒，努力工作係需要，近年都希望有機會可以跟父母同住，我來香港廿年，證明廿年無跟父母住過。」軒仔指媽咪鍾意在香港，但爸爸則喜歡廣州生活，由於媽媽要陪爸爸關係，因此父母才一直留在廣州生活。