Juicy叮｜茶客不滿酒樓職員幫熟客打尖 網民教路：買糉餅糕券派利是

周末飲茶是港人習慣，有網民在Facebook群組「上水人大聯盟」上載圖片，指在某酒家飲完早茶離席時，遇上一名在旁站立的女子打尖坐低，職員無阻止反而毫不猶豫地開茶，令網民覺得十分不公平。

發文者上周六去了屯門某酒家飲早茶，入門口已很多人正在等位，派到40張籌，要等一個小時才有位。豈料發文者用餐尾聲，有一名女子突然站在枱邊等位，由於該酒家是電腦安排座位，理應不會有人站在食客旁邊等位。

結果發文者剛離座，還未結賬，該名女子二話不説坐低，「個侍應仲即刻開茶畀佢，有講有笑，似乎好熟，此時門口大約有30人等緊位，個女人手無籌，同伙記互相勾結就打尖入座，尤其是星期日公眾假期，特別多」。發文者質疑職員是否貪污收受利益。

有網民則不以爲，「好多街坊酒樓都係咁！」、「先生你第一日飲中茶呀？呢啲叫VIP優惠，唔通我去銀行見到乜乜理財啲客唔駛排隊我又去廉署舉報咩？想要優惠你咪日日黎飲茶，大時大節幫手買餅買粽買盤菜囉。」、「優先位唔易有架，年中買好多糉券、月餅券、糕券（ 每個侍應都要應酬下買少少 ），又要派利是！」、「制度係人定㗎嘛？電腦只不過係表面嘢嚟㗎咋，你到今日仲唔明？」

有人更親身經歷，「上水XX都係，新年有派大利是嘅係吾洗排隊，啲伙記會攞定啲暗籌畀熟客，包括我啲好疏嘅親戚，人山人海等緊位都係直入吾洗等」。

不過也有人質疑，「被人打尖，你覺得正常，咁做咩要拎飛」、「我經常頂唔順出聲，有枱立即問點解唔叫飛」。

圖片轉載自Facebook群組「上水人大聯盟」