維港會｜傳繼承粉絲1億元巨額遺產 馬浚偉否認：又搵我嚟搞

近日傳出馬浚偉的粉絲將1億元巨額遺產給予偶像，但條件是要將這筆款項用於公益及文化事業上。馬浚偉昨日（15日）於社交網發文，澄清事件純屬謠言，無奈地表示:「真係乜都有」！馬浚偉其後回應傳媒時強調，傳聞絕非事實，更指不願被坊間的傳聞而扼殺了他多年的努力。

網上流傳消息指馬浚偉的一名粉絲決定將1億元巨額遺產給予偶像，但條件為要將該筆款項用於公益及文化事業上，因而引起網民的熱議。馬浚偉昨日（15日）先於Facebook發文澄清，更誤將傳聞中的1億寫成10億，「又有傳聞！仲要搞到我新聞界啲朋友！話有我的粉絲離世，留了10億畀我……唉！真係乜都有！」

其後他再於Instagram發文指，「1億又好10億又好，就算係一百億活性乳酸菌都好，真係有嘅你就攞嚟，我幫你全部用嚟做社福、做公益，全部用嚟幫基層都得，但前設係，你真係有先得架！」，對於網上的謠言他亦深感無奈，「乜都無得個講字，又搞到我新聞界啲朋友，結果求其一個傳言又搵着我嚟搞」！

帖文引起網民熱論，有網民留言問是甚麼貨幣單位，他回應指，「不是貨幣問題，問題是『斗零』都冇！」，亦有網民為他打氣，指「謠言止於智者」、「笑笑就算，為你繁忙的工作中、添一些笑話樂趣」。