Juicy叮｜迷信母攜風水師睇樓 批單位風水差「平租啲好好多」

不少情侶都希望可以擁有自己的安樂窩。一名男網民於討論區發文指，其哥哥打算與未婚妻租樓同住，兩人已決定租下一個單位，而該網民的母親表示，希望可「幫吓眼」睇樓，當日更擅自帶了一名風水師同行，最後更借風水之名向地產經紀要求減租，令眾人倍感無奈與尷尬。

該名男網民於「香港討論區」發文指，其哥哥即將與未婚妻結婚，故打算搬離家中在外建愛巢。兩人經考慮後，已經決定租下一個單位，「不過想再睇多次先真係決定」。母親便提議希望跟哥哥一起去，可「幫吓眼」睇樓。樓主又透露母親十分迷信，本以為其意思只是「最多都係拎本書睇吓方位」，未料當日竟帶了一名任職風水師的中學同學同行。

樓主指，雖然哥哥與未婚妻當時對此而感到有些失禮，但「一場嚟到，阿媽又無惡意」，故最後亦沒有阻止。不過該風水師於睇樓期間，不停唉聲嘆氣，「又同我阿媽講層樓唔係咁好又點點點」。樓主母親聞言，立即向地產經紀表示，「你呢層樓風水唔係咁好，如果可以平租啲就好好多」。

樓主得悉事件後，指母親「醉翁之意不在酒」，只借風水為名趁機講價，「你想講價咪講價囉，做咩又要扮晒嘢搵個風水師上嚟搞場大龍鳳？」，「我都戥我阿哥阿嫂尷尬」。

帖文引起網民的熱論，不少網民認同樓主的看法，「乜而家仲興咁樣壓價咩」、「租客直接開口劈價咪係囉」、「佢咁做根本係想壓價，不過而家唔興呢套」，有網民笑言，「咁樣講價有啲新意喎」。亦有人指樓主母親出發點只是愛子心切，「佢都係想你阿哥阿嫂好」、「幫你壓價咪好」。

資料來源：香港討論區