Juicy叮｜鐵騎士遇紅燈後落車 手推過斑馬線惹熱議
2021-08-13 22:55 
英國喜劇《憨豆先生》裏，主角駕車遇紅燈時，因不想等，用手將整輛座駕推過斑馬線，成為電視史上一個經典場口。豈料這一情節，竟於香港街頭再次重演，引起不少網民熱議，爭辯這一做法究竟是否獲允許。
有駕駛人士今日於FB群組「香港突發事故報料區」分享一則車Cam片段，可見一名駕駛「綿羊仔」的電單車司機，經過一個路口期間遇到紅燈。他停車後，看見未有人過路，竟然落車並用手將車推過斑馬線。過了斑馬線後，電單車司機便再次騎上「綿羊仔」，絕塵而去。
這個片段流傳後引起不少熱議，網民焦點主要是這個行為算不算是衝燈，有網民表示「如熄咗匙又好似真係得，法律上好似當你係推住一件貨物（部羊）嘅行人，但呢位仁兄尾燈仲着，估計都係無熄到」、「紅燈除咗畀路人過，仲要畀其他路嘅車綠燈行，梗係唔得啦」。
不過亦有人認為其他網民大驚小怪，直言「肯落車推已經好斯文啦，十個有九個都係直接剷上行人路」，亦有人打趣地說「有咩問題？我平時揸貨van紅燈嗰陣都係咁樣落車推」。
資料來源：香港突發事故報料區FB
最新回應