「牛下女車神」大玩你問我答 揭賽前互睥對手之謎

東京奧運雖於周日落幕，但港人對港隊運動員的熱情仍然不減。離開奧運選手村前，「牛下女車神」李慧詩日前亦在IG大玩你問我答，基本上「有求必應」，感情生活、信仰、未來方向等，都一一解答，但沒想到一夜之間收到數百個問題，花了一日都答不完：「我唔想放棄，但原來99+ requests（問題請求）係唔完。」

李慧詩在奧運場地單車女子爭先賽，奪得銅牌，她在起步前望向對手的一刻，非常有型，更被網民製成動態圖。有網友在IG答問亦有提問：「開車前互相睥住對手，用意係咪好似打拳咁？輸人唔好輸陣？」原來真有其事，李慧詩更指：「同睇下對手有無信心。」又有人問她「鍾唔鍾意俾人叫牛下女車神」，她就妙答：「好過叫我李樂詩、李麗珊、李…李咩？」

多名網民也想知她獲獎一刻的心情，李慧詩形容為「悲喜交集」，與2012年倫敦奧運獲獎相比，「上次係人生艱難路上嘅起步，今次係行過咗，到平路。」被問到「有咩想同香港人講」，她希望「我哋都要相信自己！」