網民嘲胡杏兒老公「 世紀軟飯王」 李乘德高EQ回應：有幾間公司

胡杏兒老公李乘德（Philip）是客家圍村人，生仔有丁權，杏兒入門後即全速為李家開枝散葉，三年抱三，全部都是「慈菇椗」，包括3歲長子Brendan、2歲次子Ryan Lee和只有3個月大的細仔Liam Lee，一家五口生活幸福。

除了好生養，杏兒還好識搵錢，頻頻返內地工作；反而老公Philip就經常在IG上載湊仔的生活日常，日前一拖二去藝人親子活動，昨日又上載3父子穿親子裝一齊出街，到今日又跟兩個仔冒雨出街玩，享盡天淪樂。

不過，溫馨帖文卻引來酸民留言，指Philip是世紀軟飯王，該民網直指：「你真係世紀軟飯王，犀利過袁偉豪。日日喺度湊仔玩樂，老婆就生仔前後都要喺大陸辛苦拍戲。陰功。慘過生仔機器，又要生又要為生活拼搏。你間酒吧去咗邊？」

身為獵頭公司老闆的Philip保持高EQ，並霸氣親自回覆︰「多謝關心。可能你唔知，本人用心做嘢做咗幾十年。現在有幾間公司，條隊唔算好大，得幾十人。但托賴，今年的生意唔錯，可以比到少少時間我陪小朋友。家庭和小朋友係最重要。希望你都會明白，酒吧仍然喺度，多謝關心。得閒落去飲杯嘢。我請。祝你健康開心快樂。」不少網民亦力撐他是好爸爸和好老公。