【TVB毒男】劉頌鵬勁冧蔡思貝 余德丞發爛：攞塊鏡照吓自己先

TVB新紮小生劉頌鵬，最近有份為奧運直播節目擔任主持，被爆連開工都掛住朱智賢，將平板電腦的背景轉成對方的靚相，朱智賢都忍不住轉發並留言：「依家啲後生仔可唔可以唔好咁毒？」

未知朱智賢的正印男友謝東閔會否呷醋，但劉頌鵬似乎好多情，早前他與余德丞、丁子朗等多位小鮮肉亮相由林盛斌和江美儀主持的清談節目《Mean Talk》，被問到最想追邊位女藝人？劉頌鵬坦白承認想追視后蔡思貝：「OK，幾正！」令思貝的緋聞男友余德丞無名火起，即企起身扮嬲：「同我爭？！」還取笑對方是在坐六人當中最比不上一個，真情流露地說：「攞塊鏡照吓先，唔夠高，佢同蔡思貝差唔多高咋。」

之後劉頌鵬再在李佳芯（Ali）和蔡思貝之間揀選「親熱」對象，他再次選擇思貝，解釋謂：「Ali女神啲，高攀唔起，有啲嘢得唔到仲正。」

現年26歲的劉頌鵬曾經參加過校草選舉，之後做過模特兒及拍電影，更曾以新演員身份為《香港電影金像獎》擔任主持之一。劉頌鵬一直沒放棄演藝圈，前年參加ViuTV選秀節目《全民造星II》，去年再以KOL身份做TVB清談節目《#後生仔傾吓偈》的意見領袖，今年正式簽約TVB，早前更頂替另一位「後生仔」劉子碩執二攤拍攝劇集《欺詐劇團》。