【父母逾億身家】被指靠男友搬獨立屋 蔚雨芯嬲爆：屋企幾多物業唔需要交待

27歲蔚雨芯（Rainky）曾被爆撻着大馬千億富二代，近年又與友人合資近百萬元大搞美容產品生意。Rainky最近被指愈來愈富貴，與家人搬入價值數千萬、逾2500呎的獨立屋，並不時在社交平台大晒獨立屋內外景，當中還有露天大泳池。

Rainky昨日又盡騷姣好身材，穿上一件透視開胸連身泳衣，網民紛紛大讚好索，連一代女神DaDa陳靜都連寫四個「靚」字激讚好友。

對於被指愈來愈富貴，不少網民質疑她是被男友照顧，當中還有不少貶義詞，Rainky昨日接受訪問時直認不開心，她說：「清者自清啦，憑網絡睇報道嚟評論一個人好唔公平，你哋識我咩？我都要同父母交待，我發毒誓，呢啲無可能發生！」

原來她跟大馬男友已分手三年，一直沒有交代清楚緋聞真相，以訛傳訛之今令人以為還在交往中。據悉Rainky的父母坐擁逾億身家，在廣東省營運旅遊巴公司，出身富裕家境，而剛入住的獨立屋亦是其父母斥資購入，Rainky說：「間屋企弟弟嘅，同我無關，但我係同家人同住。而屋企有幾多物業，唔需要打開啲契同大家交待，唔想自己一直以嚟嘅努力工作被抹殺。」問到屋內是否有獨立泳池？她否認：「藉呢次機會，希望各大傳媒打嚟問過我先至寫，其係只係會所泳池好亂寫。我一向都唔會回應私人生活，今次影響家人破例。」